Një tjetër takim i Fondit Shqiptar të Zhvillimit me bashkinë e Sarandës i është shtuar procesit të konsulencës për projektin “Strategjia e Lëvizshmërisë”.
Në prani edhe të kryebashkiakut Adrian Gurma, si dhe të stafit kryesor drejtues të bashkisë, specialistë të huaj kanë bërë njohjen me ecurinë e dy fazave të para të projektit dhe kanë prezantuar detyrat kryesore të fazës së tretë.
Paraqitja e një panorame të shpejtë për të tre fazat është shoqëruar me konsulencë argumentuese nga ana e specialistëve të bashkisë, me dëshirën dhe qëllimin që projekti të maksimalizojë efektet e veta në përditshmërinë e jetës urbane dhe lëvizshmërisë në Sarandë.
Parësore ka qenë kërkesa që projekti të zgjidhë në mënyrë optimale vështirësitë e qarkullimit, veçanërisht në kohështrirjen e sezonit turistik.
Pas marrjes së opcioneve konkrete të bashkisë për këto problematika, u dakordësua që projektuesit t’i reflektojnë ato dhe thirrja e një seance tjetër konsulence të jetë shumë e afërt.
