Edhe Bashkia Dropull i është përgjigjur thirrjes për ndihmë dhe solidaritet me familjet e prekura nga tërmeti. Me kërkesë të kryebashkiakut Dhimitraq Toli, kjo njësi vendore ngriti Komisionin e Mbledhjes së Ndihmave.
Thirrjes iu përgjigjën biznesmenë të zonës, banorë të Dropullit dhe nëpunës të bashkisë. Ndihmat do të dërgohen në Durrës, ndërsa kontributi financiar do të kalojë në llogarinë e hapur nga qeveria për rimëkëmbjen e zonave të dëmtuara nga tërmeti.
Por veç kësaj Dropulli ka ofruar edhe një tjetër ndihmë. Me vendim të Këshillit Bashkiak, fondi për emergjencat civile prej 10 milionë lekësh të vjetra, është transferuar totalisht për të ndihmuar familjet e prekura nga tërmeti shkatërrimtar i datës 26 nëntor. Edhe në ditët e ardhshme pritet të grumbullohen të tjera ndihma nga kjo njësi vendore.
©argjiroja.net
