Vijon ndihma greke për familjet e prekura nga tërmeti në Shqipëri. Kryebashkiaku i Dropullit, Dhimitraq Toli, priti në një takim kryetarin e bashkisë Ilion në Athinë, Nikollaos Zenetos, i cili së bashku me kryebashkiakun e Sifnos kontribuan me rreth 7.3 ton ndihma ushqimore dhe veshmbathje për familjet e godituara nga tërmeti në Durrës e Lezhë. Gjatë takimit Toli dhe Zenetos diskutuan mbi mundësitë e bashkëpunimit në disa sektorë, si dhe të një binjakëzimi të mundshëm mes dy bashkive. Javën e shkuar Bashkia Dropull mori vendim për të kaluar 10 milionë lekë të vjetra në fondin e ndihmave për familjet e prekura nga tërmeti i datës 26 nëntor. Po kështu edhe sipërmarrës të zonës dhe banorë të Dropullit mblodhën ndihma të ndryshme.
©argjiroja.net
