Mbledhja në Komisionin e Medias për ligjin e ri është shoqëruar me debate të forta mes anëtarëve.
Kryetarja e Komisionit Fatjona Dhimitri, e cila është deputete e qarkut Gjirokastër, është shprehur kundër ligjit të ri, i cili censuron mediat. Ajo ka kërkuar të bojkotohet Parlamenti derisa të tërhiqet projekt-ligji dhe ka braktisur komisionin.
“Projekligjet janë antikushtetuese. Të bojkotohet Parlamenti derisa të tërhiqet projekt-ligji”, tha ajo dhe u ngrit nga tryeza e diskutimit.
Ndërkohë kundër ligjit për mediat kanë dalë edhe disa anëtarë të tjerë të komisionit, ndërsa drejtimin e mbledhjes e mori Milva Ekonomi.
