Në një kohë kur mazhoranca ka dërguar në Kuvend nismën “Anti-shpifje”, ligj i cili penalizon mediat online, vjen një paralajmërim i fortë nga Parlamenti Europian. David Lega, anëtar i Komisionit të Jashtëm të Parlamentit Europian thotë se Shqipëria rrezikon kryesimin e OSBE nëse paketa ligjore miratohet.
Përmes një postimi në Twitter, ai thekson se vendimi i Kuvendit mund të vështirësojë ecurinë e procesit të negociatave të anëtarësimit të Shqipërisë në BE. Gjithashtu, Lega shton se mirëpret qëndrimin e Partisë Demokratike kundër ligjit censurë.
Postimi
Nëse Parlamenti shqiptar miraton ligjet e reja për median, ai vë në rrezik kryesimin nga Shqipëria të OSBE-së. Gjithashtu, ky vendim do të komplikojë negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur.
