Policia e Shtetit vijon kontrollin e dyqaneve, marketeve dhe tregjeve, për sekuestrimin e lëndëve piroteknike.
Në kuadër të këtij aksioni në Gjirokastër janë sekuestruar 1130 kapsolla dhe 365 fishekzjarrë.
“Në zbatim të urdhrit të tre ministrave, nr. 661, datë 13.12.2018, “Për ndalimin e hedhjes në treg të lëndëve piroteknike dhe fishekzjarrëve dhe përdorimin civil, që rrezikojnë sigurinë publike”, strukturat e Policisë së Shtetit vijojnë kontrollin e pandërprerë në subjekte të ndryshme dhe tregje me shumicë e pakicë, me qëllim evidentimin dhe sekuestrimin e lëndëve piroteknike. Si rezultat i kontrolleve, në Gjirokastër, në një magazinë, janë gjetur të magazinuara 1130 kapsolla dhe 365 fishekzjarrë, të cilët u sekuestruan në cilësinë e provës materiale”, informon policia.
Në bashkëpunim me shërbimin zjarrfikës vijojnë veprime e mëtejshme, ndërsa policia thotë se kontrollet do të vazhdojnë edhe në ditët në vazhdim. Por në njoftimin për media policia e Gjirokastrës nuk jep emrin e subjektit ku janë sekuestruar kapsollat dhe fishekzjarret. Nga pamjet kuptohet që kemi të bëjmë me një supermarket.
©argjiroja.net