Kryetarja e Lëvizjes Socialiste për Integrim me anë të një video-mesazhi në Facebook ka uruar shqiptarët për festat e fundvitit. Në këtë video-mesazh, Kryemadhi shprehet se në tavolinën e ndërrimit të viteve duhet të dominojnë produktet shqiptare. Kryetarja e LSI shkruan se qeveria kërkon që ti vendosë produktet shqiptare edhe përballë konkurrencës sa të pandershme aq edhe antikombëtare.
Kryemadhi shkruan se është momenti të ndihmojmë njëri-tjetrin, ndërsa akuzon qeverinë se kërkon ti vendosë produktet shqiptare përballë konkurrencës sa të pandershme aq edhe antikombëtare: “Tashmë përmes një politike prej shërbëtorësh të interesave të oligarkëve qeveria kërkon që ti vendosë produktet shqiptare edhe përballë konkurrencës sa të pandershme aq edhe antikombëtare. Konsumoni shqip, konsumoni frutat, zarzavatet, bulmetrat, verën, birrën, miellin shqiptar, në ndihmë të gjithë fermerëve dhe prodhuesve të shijes së mrekullueshme shqiptare që të mbështesim fort njëri-tjetrin edhe në këto ditë festash,ashtu siç gjendemi pranë në ditë të vështira”, u shpreh Kryemadhi.
