Sot do të jetë dita më e ftohtë e javës. Sipas MeteoAlb pjesa e parë e ditës së sotme vijon me kthjellime e vranësira të lehta në të gjithë Shqipërinë, ndërsa pjesa e dytë e ditës sjellë shpeshtim të vranësirave në zonat përgjatë kufirit Lindor por pa reshje.
Temperaturat do të pësojnë një rënie të ndjeshme ku do variojnë: në zonat malore nga -11ºC deri në 02ºC, në zonat e ulëta nga -3ºC në 08ºC dhe në zonat bregdetare nga 02°C në 10ºC.
Era do fryjë mesatare në tokë deri e fortë në det, me shpejtësi 55 km/h nga drejtimi Verior-Verilindor duke krijuar në det dallgëzim deri 4 ballë.
Edhe në Rajon dhe në Europë situata meteorologjike është pothuajse e njëjtë. Europa mbetet me kthjellime dhe vranësira kalimtare në pjesën më të madhe të saj; më të shpeshta vranësirat paraqiten në Veri dhe Lindje ku priten edhe reshje të pakta dëbore. Ndërsa kthjellime më të shumta do të ketë Europa Jugperëndimore.
