Pas djegies brenda shtëpisë së një të moshuari, një tjetër ngjarje e rëndë raportohet në Këlcyrë. Policia thotë se një djalë ka kanosur babain e vet.
Njoftimi
Këlcyrë
Kanos për jetën babain e vet, arrestohet në flagrancë nga Policia.
Ndërhyrja e menjëhershme e Policisë parandalon një ngjarje të rëndë të mundshme.
Shërbimet e Postës së Policisë Këlcyrë arrestuan në flagrancë shtetasin A. B., 35 vjeç, banues në fshatin Ballaban, Këlcyrë.
Shtetasi i mësipërm, në fshatin Ballaban, për motive të dobëta, ka kanosur për jetën babain e tij, shtetasin T. B., 66 vjeç.
Menjëherë, sapo kanë marrë njoftimin, shërbimet e Policisë kanë shkuar në vendngjarje duke parandaluar një krim të mundshëm në familje.
Materialet në ngarkim të shtetasit A. B. i kaluan Prokurorisë Pranë Gjykatës së Shkallës së Parë Përmet, për veprime të mëtejshme.
