Tre personat e arrestuar për grabitjen me dhunë në Memaliaj dolën sot para Gjykatës së Gjirokastrës për t’u njohur me masën e sigurisë. Erald Allushi, Fatjon Resuli dhe Armando Reka, te tre nga Shijaku, do të qëndrojnë në ‘arrest me burg’.
Kjo është masa e sigurisë e caktuar nga gjyqtarja Mirela Iljopuli. Akuza përfaqësohej nga prokurori Julijan Çafka. Teksa ky i fundit jepte provat në gjykatë, tre të arrestuarit kanë heshtur. Avokatët e të akuzuarve kane kërkuar gjykim të shkurtuar pasi klientët e tyre pranuan autorësinë e krimit.
Prokurori i çështjes kërkoi burg pa afat për të tre te arrestuarit, si dhe për Migel Shabanin i shpallur në kërkim. Ky i fundit sipas dëshmive nga të arrestuarit, ka qenë organizatori i grabitjes së 12 milionë lekëve në banesën e shtetasit Hiqmet Ramadani. Dyshimet janë që kjo bandë të ketë grabitur edhe banesën në fshatin Terihat dy javë më parë.
©argjiroja.net
