Avokati i njohur Spartak Ngjela, i ftuar në “Top Talk”, teksa foli për Reformën në Drejtësi dhe ngritjen e SPAK, u ndal tek hetimi i politikanëve. Sipas Ngjelës, struktura juridike është kompletuar dhe hetimi duhet të nisë nga mazhoranca, dhe konkretisht nga kryeministri Rama.
“Duhet ta nisë nga mazhoranca, nga kryeministri. Është kërkesë kushtetuese. Fillon hetimi për pasurinë, pastaj për të gjithë aspektet e tjera. Vettingun e politikës e bën Prokuroria e Posacme me gjithë Byronë Kombëtare të Hetimit. 60% e ketyre do ikin. Në politikën e madhe ka vlerë kur do filloj hetimi i Ramës. Nuk mund të fillosh nga opozita pa kaluar nga mazhoranca. Nuk kanë shpëtim këta.
Gjithë të korruptuatit, sapo fillon hetimi do japin dorëheqet nga postet. Duke qenë në hetim nuk mund të jesh kryeministër. Do jenë në hetim apo do drejtojnë shtetin. Hetimi mund të zgjasë, 4-5 muaj, si do eci shteti!”, theksoi Ngjela.
