Gjykata e Tiranës cakton masën e sigurisë ‘arrest me burg’ për të 7 te arrestuarit e operacionit “Tranzit” mes tyre Pajtim Aga, vëllai i ish shefit të Qarkullimit Dibër, Robert Aga. Ky i fundit ka dalë në përgjimet e Bild ku ndër të tjera i thoshte Tahirit “Jam ushtari yt”. Po kështu në burg ka mbetur edhe cifti i arrestuar në Gjirokastër; Marsida Piperi dhe Fatjon Deda.
Ata u arrestuan pasditen e së premtes si pjesë e rrjetit që synonte trafikimin e një sasie prej 32.5 kilogramë kanabis sativa në formë çokollate. 32-vjeçarja u arrestua nga policia, në bazë të informacioneve të siguruara në rrugë operative nga burime të ndryshme, për trafikimin e një sasi të konsiderueshme lënde narkotike. Ajo u prangos bashkë me bashkëjetuesin e saj Fatjon Deda, pasi nga kontrolli në banesë në lagjen “Varosh” të Gjirokastrës, u gjet lënda narkotike e ndarë në pako
Pajtim Aga, Edmond Rajta, Shkëlzen Mazari, Devis Mija, Fatjon (Paulin) Dodaj, Marsida Piperi, Arjet Halilaj u kapën të premten e javës së kaluar si pjesë e një bande narkotrafiku ku u sekuestruan 32 kg drogë e llojit “çokollatë”.
Policia ra në gjurmët e grupit kriminal pasi prokuroria e Dibrës kishte nën përgjim Pajtim Agen, i cili dyshohej për një veper tjeter penale. I vetmi që pranoi se droga i përkiste atij ishte Shkelzen Mazari. Dyshimet janë se Aga dhe Rajta çuan drogën në shtepine e Mazarit.
Nipi i këtij te fundit Devis Mija mori makinën dhe doli nga oborri i banesës, ndërsa policia e arrestoi 200 metra me tej. Sasia tjetër e droges u kap ne Gjirokastër.
©argjiroja.net
