E marta ishte një nga ditët më të ftohta të kësaj jave. Por situata pritet të ndryshojë në ditët në vijim. Sipas meteoalb kthjellimet do të mbizotërojnë deri në fundjavë.
“Vlerat termike gjatë kësaj jave pritet të kenë rritje të lehtë si në vlerat minimale ato maksimale. ”
Por pas ditëve më diell në fundjavë priten reshje dhe këto kryesisht të dielën. Ndërsa në zonat malore nuk do të mungojë as bora.
“Gjatë fundjavës pritet të kemi shtim të vranësirave dhe prezencë të reshjeve të shiut gjatë ditës së dielë, ndërsa në zonat malore të kemi reshje dëbore”
Sa I përket kryeqytetit, sipas meteoalb temperatuarat do të vijnë duke u rritur, ndërsa njësoj si në të gjithë vendin edhe në Tiranë do të ketë reshje shiu gjatë fundjavës.
