Kryeministri Edi Rama ka vizituar sot Vlorën. I shoqëruar edhe nga deputeti Damian Gjiknuri, Rama është ndalur edhe pranë konvikteve në Vlorë, ku ka shkrepur edhe një foto me të gjithë pedagogët e Universitetit “Ismail Qemali”.
Pas një debati me rektorin, Roland Zisi, i cili disa vite më parë ka qenë dekan në Universitetin e Gjirokastrës, Rama fillon t’i kërkojë llogari kryetarit të Bashkisë Vlorë, në lidhje me projektin e kampusit të universitetit.
Pjesë nga biseda:
Edi Rama: O kryetar do ta bëni atë projektin, se rektori thotë që kryetari i bashkisë nuk është kujtuar?
Rektori: Jo, unë thashë që në fillim…
Edi Rama: Jo, Jo unë thashë, se e ke me filmim…mos bëj shaka!
Rektori: Jojo, unë thashë që siç e kishim lënë të bënim projektim për të gjithë këtë…unë dhe krytari ishim në pritje….
Edi Rama: Aaa tani doli që kryetari është në pritje. Po bëjeni pra bëjeni…
Dritan Leli: Do ta bëjmë….(qesh)
Edi Rama: Po ça do ta bëjmë bëjeni pra tani se këta ikin për katër vjet. Bëjeni një projekt që të bëhet tamam kampus. Bëjeni tamam. Sikur keni 2000 projekte për të bërë. Projektet e mëdha jua sjellim gati nga Tirana. Bëni këto të voglat të paktën.
