Fund i dhimbshëm për një djalë të ri shqiptar në Francë, i cili u gjet i vdekur në dhomat e izolimit të burgut. Ngjarja ka ndodhur të mërkurën më 28 janar në burgun e Val-d’Oise, 42 kmlarg kryeqytetit francez, Paris, raportojnë mediat lokale.
Viktima, një 27 vjeçar, i dha fund jetës në rrethana dhe shkaqe të paqarta. Identiteti i viktimës nuk bëhet i ditur nga autoritetet franceze.
Trupi i tij u gjet pas mesditës kur në burg po shpërndahej ushqimi i drekës. Ai kishte lënë një letër për familjen, njoftoi policia, duke i njoftuar ata për vendimin që kishte marrë. Megjithatë, mbeten të paqarta arsyet që e shtyn të riun shqiptar drejt aktit të vetëflijimit.
