Drejtoria e Përgjithshme Detare jep njoftim për përkeqësim të motit ditët në vijim. Përmes një reagimi në Facebook, njoftohet se në datën 4-5-6 Shkurt 2020 moti do të përkeqësohet.
“Bregdeti ynë do të përfshihet nga era me drejtim veri-perëndim shpejtësi deri në 32 milje në orë dhe forca e detit 🌊do të jetë 6-7 shkalla bufort. Moti i përkeqësuar do të shtrihet në gjithë bregdetin tonë.
Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port 🚤 dhe rritje e gadishmerisë së ekuipazhit në mjetet lundruese”, thuhet në njoftim.
