Policia e Shtetit ka nisur aksione të befasishme në disa qytete ndërsa mbrëmjen e sotme është ndaluar në Fier.
Përmes një video të postuar në faqen zyrtare të Facebook, është bërë e ditur se po zhvillohet një aksion me postblloqe në rrugë, për kapjen e personave në kërkim por edhe për zbulimin e mjeteve të vjedhura.
Ndërkaq, sipas Policisë mjetet kontrollohen dhe për dokumentacionin dhe nëse drejtuesit e tyre qarkullojnë me armë me vete.
“Plan masash për kapjen e personave në kërkim, atyre që qarkullojnë me armë, me mjete të blinduara pa dokumentacionin përkatës, për goditjen e trafiqeve të paligjshme dhe bllokimin e mjeteve të vjedhura. Kontrollet nga strukturat e DVP Fier dhe FNSH Fier”, shkruan Policia.
Edhe në qytetin e Beratit, policia ka nisur një sërë kontrollesh.
