Gazetari dhe moderatori Blendi Fevziu, ndërsa komentoi mundësinë e zgjedhjeve të parakohshme në vend, ka hedhur poshtë pretendimet e kreut të PD-së, Lulzim Basha.
Për më tepër, Fevziu tha se një gjë e tillë nuk pritet, pasi nuk i intereson politikës shqiptare, qoftë Bashës apo Ramës.
“Nuk priten zgjedhje të parakohshme, për vetë faktin se as Rama dhe as Basha nuk janë të interesuar. Opozita duhet të presë konsumimin e plotë të Ramës deri në fund të mandatit që nesër në garë të futet si alternativë qeverisjeje”, u shpreh Fevziu, në emisionin “Java” në RTSH.
Po ashtu ai tha se, Lulzim Basha ka nevojë për një projekt ambicioz dhe se kjo fushatë P.R. që po bën është e pamjaftueshme.
Duke u ndalur në përbërjen e sotme të parlamentit, Fevziu u tregua i ashpër teksa e quajti atë qesharak.
“Parlamenti i sotëm është më qesharaku dhe ndoshta më injoranti në glob. Është një turp që ata ligjvënës paguhen me taksat e shqiptarëve” – tha Fevziu në studion e emisionit “Java në RTSH”.
