Pesë automjete luksoze janë bllokuar në Gjirokastër në kuadër të operacionit për kontrollin e makinave të luksit.
Pronarët e 5 makinave të bllokuara nuk janë me precedentë penalë por automjete kanë rezultuar të vjedhura nga personat që i kanë shitur kundrejt pronarëve aktualë. Por deri më tani Policia e Gjirokastrës s’ka dhënë asnjë informacion mbi këtë aksion. Nuk dihet se kujt i përkasin këto automjete.
Kujtojmë se kotrollet kanë vijuar në gjithë vendin dhe më herët janë raportuar edhe 10 makina me probleme, të vjedhura e me shasi të modifikuar.
Automjetet e kontrolluara janë prodhime të vitit 2015-2020 dhe pas verifikimit makinat që nuk rezultuan me probleme u kthyen te pronarët.
Por ky aksion i policisë ngjan më shumë të jetë propagandistik sesa të shërbejë realisht për goditjen ndaj bosëve të krimit. Këta të fundit për fat të keq janë ende të paprekur nga forca e ligjit. OFL-ja është ende në fillesat e saj.
Duhet të presim nëse do të ketë realisht rezultate domethënëse apo thjesht i gjithë aksioni do të katandiset në ca sekuestrime makinash dhe ajo që do të mbahet mend më shumë kanë për të qenë thjesht syzet e zëdhënëses sharmante të këtij operacioni.
©argjiroja.net
