Pas zgjedhjeve të 30 qershorit, ku socialistët i morën të gjitha bashkitë e vendit, ndër të tjera pati edhe një udhëzim apo le të themi porosi nga kryeministri Edi Rama. Do duhej që çdo bashki e drejtuar nga meshkuj, të kishte patjetër një nënkryetare femër.
Por jo të gjithë kryetarët e kanë kryer këtë porosi. Kanë preferuar të mos ndajnë pushtet me gratë duke emëruar nën vete burra. Argjirolajm.net mëson se në qarkun Gjirokastër janë tre bashki që nuk kanë gra nënkryetre. Bëhet fjalë për Bashkinë Tepelenë, Këlcyrë dhe Dropull. Ndërkohë në rang vendi janë edhe bashki të tjera si Vlora, Finiqi, Roskoveci, Belshi, Cërriku, Kruja dhe Durrësi.
Pritet që strukturat e PS-së të shtojnë presionin ndaj këtyre kryebashkiakëve për të emëruar nënkryetare gra. Kjo do të jetë edhe një prej cështjeve që do të trajtohet në Kongresin e PS-së më 29 shkurt.
©argjiroja.net
