Mbi 100 vende dhe donatorë prezantuan të hënën kontributin e tyre financiar në Konferencën e Donatorëve në Bruksel, para të cilat do të përdoren për rindërtimin e zonave të prekura nga tërmeti në Shqipëri. Kontribuese ishin edhe vendet e rajonit, disa prej të cilave dhanë shuma të konsiderueshme financiare.
Kështu, Serbia njoftoi se jep 2 milionë euro grant, Greqia 2.5 milionë euro, Bullgaria dha 100 mijë euro për rindërtimin, ndërsa ka planifikuar edhe 375 mijë euro projekte të tjera përgjatë 2020 për ndërtimin e rrugëve dhe shkollave dhe infrastrukturën sociale.
Rumania dha 2 milion lei, Hungaria 250 mijë euro, Mali i Zi jep në total një kontribut prej 750 mijë euro, ndërsa Maqedonia e Veriut njoftoi se dha 6 milionë dinarë. Kosova tha se jep 200 mijë euro grante. Ndërkohë Kroacia tha se do të japë një kontribut prej 1 milion eurosh.
Kujtojmë se Shqipëria synon të mbledhë më shumë se 450 milionë euro nga Konferenca e Donatorëve që u mbajt në Bruksel. Të gjitha kontributetet do të përdoren për rindërtimin e banesave për familjet e mbetura të pastrehë nga tërmeti i 26 nëntorit. Gjithashtu, një shumë e madhe financiare në formën e huave do të jepen nga banka të ndryshme ndërkombëtare për rimëkëmbjen e biznesit në zonat e prekura nga tërmeti.
