Tv Klan ka publikuar një kronikë nga arkivat, që tregon mbërritjen e kosovarëve në Gjirokastër pas dëbimit nga serbët. Video është e datës 5 prill 1999. Më poshtë teksti dhe pamjet e raportimit të para 20 viteve
Pamje nga qyteti i Gjirokastrës. Të ardhurit nga Malesheva e Kosovës në mjediset e Pallatit te Sportit të qytetit.
13 ditë për të ardhur në Gjirokastër. Kjo ka qënë drama e 500 të ardhurve nga Malesheva e Kosovës në qytetin e Gjirokastrës ndërkohë që një orë kanë qëndruar në mjediset e pallatit të sportit të këtij qyteti ku fytyrat e tyre kishin pamjen e dhimbjes dhe dramës së madhe. Një fëmijë maleshovas ka lindur në këtë udhëtim. Por ata janë pritur nga qytetarët me dhembshuri e mikpritje. Në Bashkinë e qytetit ishin gati kontigjentët e ushqimeve si dhe të pajisjeve të tjera. Ndërkohë që përditë Shtabi i Emergjencës grumbullon ndihma në ushqime e veshmbathje për të ardhurit. 500 të ardhurit e parë, kryesisht gra, pleq e fëmijë janë sistemuar ne Libohovë, Lazarat dhe në fshatra të tjera. Shumë prej të ardhurve kanë mundur të vendosin lidhjet e para me familjet e tyre të shpërndarë nëpër qytete të tjera të vendit.
