Në Gjirokastër nisën sot karnavalet, një festë që mungonte në qytet prej gati 6 dekadash. Nxënës të shkollave të qytetit u mblodhën në zonën muzeale me veshje e maska të ndryshme. I pranishëm ishte edhe kryebashkiaku Flamur Golemi, i cili kishte zgjedhur të shfaqej si prestigjator. Golemi mbante në kokë një kapele ngjyrë të kuqe, të shoqëruar me një papion me të njëjtën ngjyrë. Golemi shoqërohej nga dy djemtë e tij. Në qafën e pazarit ai përshëndeti fëmijët bashkë me deputeten Mirela Kumbaro dhe më pas iu bashkua festimeve sipas programit të caktuar nga bashkia.
©argjiroja.net
