Shpesh ka patur raportime për një situatë shqetësuese të krimit në fshatrat e pakicës greke në Sarandë. Rituali është konstant dhe i përvitshëm: në shtëpitë e këtyre fshatrave ku shpesh banojnë vetëm pleq, njerëz me maska hyjnë dhe grabisin në vazhdimësi. Policia lokale kryen veprimet hetimore dhe mandej thotë “mirupafshim”.
Në sezonin e verës arat apo kullotat e këtyre fshatrave digjen rregullisht. Kjo rregullsi ka krijuar ide të pazakonshme se pas akteve të tilla ka prapapvijë politike, njësoj si ajo politika me pronën që e dinë të gjithë qytetarët.
Në këtë kuadër, raportohet se kryetari i Bashkisë Finiq ka kërkuar ndihmën direkte të ministrit të Brendshëm, Sandër Lleshaj. Përmes një komunikimi direkt, Kristaq Kiço ka renditur një sërë rastesh grabitjesh të cilat nuk kanë ende autor të kapur.
“Organet lokale të rendit pavarësisht prezencës së tyre pas ngjarjeve dhe marrjes së provave dhe dëshmive nuk ka arritur akoma të zbolojë asnjë nga autorët që veprojnë lirshëm në këtë territor”, shkruan Kiço.
Takimi thuhet se takimi me Ministrin e Brendshëm do të bëhet javën e ardhshme.
