Festivali Folklorik Kombëtar me shumë mundësi nuk do të organizohet këtë vit. Të paktën deri më tani s’ka ende një datë të publikuar nga Ministria e Kulturës dhe as një reagim zyrtar për të shpjeguar se cfarë do të ndodhë. Nëse marrim të mirëqënë që festivali do të organizohet në muajin maj si gjithmonë, përgatitjet duhet të kishin nisur më herët. Kur po mbyllet edhe muaji i dytë i këtij viti, në Gjirokastër s’shihet asnjë lëvizje konkrete për zhvillimin e festivalit.
Në korrik të këtij viti Ministria e Kulturës publikoi konkursin për realizimin e logos së festivalit. Aplikimet qëndruan të hapura deri më 15 shtator 2019.
Në përfundim fitues i konkursit u shpall Klejdi Domi. “Imazhi i logos do të publikohet në ceremoninë e lançimit të Festivalit”, njofton Ministria e Kulturës.
Por deri më tani festivali nuk është lancuar. Për shkak të tërmetit dhe një viti të vështirë financiar, duket se qeveria ka bërë ‘kurban’ ngjarjen më të madhe kulturore mbarëkombëtare kur është fjala tek folku dhe krijimtaria popullore.
Një pjesë e madhe e fondeve të buxhetit të shtetit do të shkojnë në programin e rindërtimit të shtëpive të shkatërruara nga tërmeti.
©argjiroja.net