Pas raportimeve në media se Festivali Folklorik Kombëtar në Gjirokastër nuk do të organizohet këtë vit për shkak të situatës së vështirë financiare të krijuar nga tërmeti, duket se gjërat kanë lëvizur për mirë.
Burime të Argjirolajm.net mësojnë se organizimi i festivalit është shtyrë për në muajin shtator të këtij viti.
Më parë festivali ishte parashikuar të zhvillohej në muajin maj. Pritet që ky vendim të komunikohet zyrtarisht nga Ministria e Kulturës në ditët e ardhshme.
Festivali Folklorik Kombëtar i Gjirokastrës është ngjarja më e rëndësishme në kulturën shqiptare. Ai zhvillohet çdo pesë vjet në Kalanë e Argjirosë.
©argjiroja.net
