Koronavirusi ka prekur tashmë edhe Shqipërinë. Ministrja e Shëndetësisë, Ogerta Manastirliu bën me dije se janë evidentuar dy raste, babë e bir, të cilët ishin kthyer nga Firence.
“I riu i infketuar me koronavirus ka hyrë më 26 shkurt, ndërsa babai është një rast i lidhur me të. Është kontaktuar 127. Babë e bir kanë pasur shenjë klinike. Pas daljes së rezultateve ekipi ka bërë izolimin e kontakteve të ngushta. Kanë marrë mostrat e kontakteve, dhe kontaktet e tyre të ngushta janë izolouar. Të dy po marrin shërbim në QSUT. Dua të bëj disa thirrje. i bëj thirrje qytetarëve për qetësi. Mjekët dhe infermierët po i përgjigjen situatës. Kam thirrje për personat që kontaktohen nga epiket tona: të bashkëpunojnë për të mirën e tyre dhe të të afërmve. Jini racionalë se mjekët janë në krye të detyrës. Çdo qytetar do të informohet për masat. Përsëris thirrjen për qytetarët që nëse kanë simptoma të ngjashme të marrin në numrin 127. Qytetarët të mos vijnë në spital pa masur shenja apo pa marrë më parë 127. E them edhe njëherë, virusi nuk shpërndahet nëpërmjet ajrit por kontaktit”, tha Manastirliu në mbledhjen e qeverisë.
