Ministria e Shëndetësisë raporton se ka shkuar në 12 numri i personave të prekur nga koronavirusi. 9 janë lidhje kontakti me rastine e parë, 3 janë raste të reja: një në Tiranë, një në Lushnje dhe një në Durrës. Të dhënat u bënë me dije nga zëvendës/ministrja e Shëndetësisë, Mira Rakacolli. Në total janë testuar 157 persona, nga të cilët vetëm 12 kanë rezultuar pozitivë.
Rakacolli tërhoqi vëmendjen se vetëkarantimi është i detyrueshëm për të gjithë personat që kanë hyrë në Shqipëri nga zonat me rrezik epidemiologjik.
Rakacolli: Të gjithë personat që kanë hyrë në Shqipëri nga zonat me rrezik epidemiologjik të plotësojnë skedën e udhëtarit në pikat hyrëse dhe të vetëkarantinohen detyrimisht për një periudhë 14 ditore nga data e hyrjes në fuqi.
“Kanë rezultuar dy raste me koronavirus. I moshuari në Lushnje 78 vjec, me një hisori udhëtimi në Bergamo të Italisë. Të dyja rastet janë në vetëizolim. Janë testuar 157 njerëz të dyshuar dhe deri tani vetëm 12 i kemi identifikuar pozitiv”, tha zv.ministrja e shendetësisë.
