Kjo fundjavë në Greqi është konsideruar si thelbësore për pyetjen nëse nevojiten masa shtesë më të rrepta për të frenuar përhapjen e koronavirusit, përfshirë një ndalim të plotë të lëvizjes së njerëzve.
Sipas raporteve, nëse njerëzit respektojnë udhëzimet e qeverisë dhe të Organizatës Kombëtare të Shëndetit Publik në Greqi (EODY) për të mos bërë lëvizje të panevojshme, masa e një bllokimi të përgjithshëm do të lihet në pritje, në të kundërt do të jetë e paevitueshme.
Nga ana e tij, kryeministri grek Kyriakos Mitsotaqi bëri një tjetër thirrje publike të premten me vidoe në Tëitter ku i kërkoi njerëzve të ndihmonin në prishjen e zinxhirit të infektimit duke treguar përgjegjësi individuale dhe duke ndjekur udhëzimet e rrepta. Një ditë më parë, Mitsotakis kishte theksuar rreziqet me të cilat përballen ishujt Grekë për shkak të mungesës së infrastrukturës mjekësore.
Zv.ministri i Mbrojtjes Civile, Nikos Hardalias tha se nga ora 6 e mëngjesit të së shtunës, vetëm banorët e përhershëm të ishujve grekë do të lejohen të kthehen, duke shtuar se transporti i furnizimeve do të lejohet të vazhdojë.
Gjithashtu, që nga e shtuna, anijet private të të gjitha llojeve do të ndalohen të nisen ose të hipin në portet greke, tha ai. Hardalias më tej njoftoi rregulla më të rrepta për funksionimin e supermarketeve, duke theksuar se që nga e hëna dyqanet do të duhet të mbajnë në një kufi prej një klienti prej 15 metrash katrorë.
Tregjet e rrugëve do të mbyllen të shtunën dhe, që nga e hëna, do të jenë të detyruara të operojnë sipas rregullave të reja, duke zvogëluar sipërfaqen që ata mbulojnë me 50 përqind dhe duke siguruar që të vendosen së paku 5 metra larg nga njëri-tjetri.
Ndërkohë, përfaqësuesi i Ministrisë Greke të Shëndetësisë, Sotiris Tsiodras, i cili mbajti një konferencë të përbashkët shtypi me Hardalias, njoftoi 31 raste të reja të koronavirusit, duke e çuar totalin në 495.
Ai tha se katër persona të tjerë kishin vdekur gjatë 24 orëve të kaluara, me numrin zyrtar të vdekjes të premten në nëntë. Një tjetër vdekje end e pakonfirmuar ka ndodhur të premten në mbrëmje.
