Ditën e sotme Italia ka shënuar 602 viktima duke e çuar numrin total të të vdekurve në 6077 . Ndërkohë nga raportimi i fundit i autoriteteve vendase është mësuar se numri i të infektuarëve ka shkuar 63,927. Italia prej ditësh ka parë një rritje të ndjeshme të numrit të viktimave. Për dy ditë u rregjistruan mbi 400 të vdekur, të premten ishin 627 viktima, të shtunën ishte një shifër e frikshme prej 793 të vdekur, të dielën u shënuan 651. Këto shifra të larta që po shënohen çdo ditë kanë bërë që italia t’ia kalojë edhe Kinës për nga numri i të vdekurve nga koronavirusi. Pandemia e koronavirusit ka marrë më shumë se 16 mijë jetë në të gjithë botën dhe ka infektuar 330 mijë të tjerë. Pas Kinës, e cila çdo ditë numëron më pak raste, e “plagosur” nga koronavirusi është Italia me mijëra të vdekur. Pas Italisë, vdekshmëria e të infektuarve po rritet frikshëm edhe në Britaninë e Madhe dhe në Amerikë, ku janë shënuar qindra të vdekur./ Corriere.it
