Në qarkun Gjirokastër janë 169 persona të cilët janë kthyer gjatë dy javëve të fundit përmes pikës së kalimit kufitar të Kakavijës. Nga këta 125 persona janë nga Gjirokastra, 23 nga Tepelena dhe 21 nga Përmeti. Sipas Drejtorisë së Shëndetit Publik, këta persona kontaktohen dhe monitorohen vazhdimisht, për të parë nëse i respektojnë apo jo kushtet e karantinimit.
Për shkak se ata vijnë nga vendet e ‘zonës së kuqe’, pra vendet që janë prekur nga Covid-19, janë të detyruar të qëndrojnë të izoluar për së paku dy javë. Ndryshe nga njerëzit e tjerë që mund të dalin në oraret kur lehohet lëvizja, ata e kanë të ndaluar. Vetëm gjatë mbrëmjes së sotme në Kakavijë kanë hyrë 200 shtetas.
Ata iu nënshtruan kontrollit mjekësor dhe deri më tani s’ka raportime që ndonjë prej tyre mund të shfaqte shenja të koronavirusit. Që kur Shqipëria u prek nga epidema e Covid-19, në qarkun Gjirokastër janë marrë 14 mostra, të cilat kanë rezultuar negative. Për fat të mirë deri më tani Gjirokastra është një ndër dy qarqet e paprekura ende nga koronavirusi. Qarku tjetër është Dibra.
©argjiroja.net
