Rreth 220 familje të komunitetit rom në lagjen “Zinxhira” të Gjirokastrës kanë marrë sot ndihma të ndryshme ushqimore si shumë familje të tjera në nevojë në të gjithë vendin.
Thirrjes së tyre për ndihmë i është përgjigjur ministri i Bujqësisë dhe Zhvillimit Rural, njëherazi edhe deputet i qarkut Gjirokastër, Bledi Çuçi. Banorët kanë vlerësuar ndihmën e ministir, sidomos në këtë situatë të vështirë teksa i gjithë vendi është në kushtet e karantinës për të frenuar përhapjen e Covid-19.
Disa ditë më parë ministri Bledi Çuçi dhuroi ndihma ushqimore edhe për shtëpinë “Vatra e Ngrohtë” në Gjirokastër, ay ku strehohen disa fëmijë jetimë nga i gjithë qarku.
Në këto ditë të vështira për shkak të pandemisë së Covid-19 është shumë e rëndësishme të tregohemi solidarë me familjet në nevojë dhe të moshuarit që jetojnë vetëm, pasi ata duhet të kufizojnë lëvizjet e tyre jashtë për t’u mbrojtur në këtë mënyrë nga koronavirusi.
©argjiroja.net
