Kryeministri Edi Rama i ka bërë thirrje qytetarëve shqiptarë që punojnë në të zezë të denoncojnë punëdhënësit, në mënyrë që të përfitojnë ndihmë ekonomike nga qeveria.
Rama tha se po konsideron që në aktin normativ të përfshihet edhe “heqja e lirisë” për personat që shfrytëzojnë punën në të zezë.
“Po shikojmë një masë për sipërmarrësit, deri në heqje lirie. Nëse jeni në hall për bukën, për vete dhe për familjen, a nuk jeni aq në…gjendje sa të deonconi punëdhënësin? Atëherë nuk kemi çfarë të bëjmë! Denoncojeni”, tha ndër të tjera kryeministri Edi Rama në një komunikim me qytetarët në Facebook.