Monika Kryemadhi shprehet se koronavirusi nuk është asgjë.
Kryetarja e LSI-së tregon se mbrohet nga Covid-19 duke prerë thonjtë, duke larë duart, duke ngrënë hurdhra dhe fasule.
Ajo shprehet se virusi është hedhur nga shefi i qeverisë Edi Rama.
Ndërkohë, Kryemadhi duke e cilësuar veten si doktoreshë, shprehet se po përkujdeset në vijimësi për familjen e saj me receta popullore.
“Unë si doktoreshë që jam, s’kam frikë nga korona virusi, dhe duke qenë se i pres thonjtë shkurtër dhe i laj duart shpesh. Mundohemi të hamë shëndetshëm, siç është përdorimi i thjerrëzave, i fasuleve, pllaqive, që kanë hekur e anti-inflamatorë, hurdhat”, pohoi ajo.
Po ashtu ajo tregoi se i bën vetë blerjet në shtëpinë e saj, ndërsa shtoi se ka marrë leje për të dalë.
“Unë i bëj sigurisht. Sapo shah tufat e mëdha me hurdha, i marr të gjitha. Kam aplikuar unë me leje. Të jemi të sinqertë që na kanë ndihmuar, se na bëjnë shërbime në shtëpi. Kjo është e mirë, për të ndihmuar në kohë.”, pohoi kryetarja e LSI-së.
Nga ana tjetër, ajo shprehet se karantina po i shfazon njerëzit dhe se duhet të dalin nga shtëpia nëse e ndjejnë veten të fortë.
Deklratat Kryemadhi i bëri për emisionin “Kjo Javë”, në News 24.
