Ish-deputeti i PD Tritan Shehu thotë se Qeveria shqiptare nuk po e menaxhon dot situatën e koronavirusit në vend pasi sipas tij nuk ka një strategji për përballimin e saj.
“Qeveria është në amulli totale. Nuk ka strategji. Ne që në muajn janar kemi ngritur alarmin për situatën. Na quajtën që duan të hapin panik. Na thonin Shqipëria nuk është e rrezikuar. Por çfarë po ndodh sot.
Unë dua të shoh një material të botuar. Si do përballohet kjo situatë hap pas hapi në Shqipëri? Kush është kjo strategji”, u shpreh Shehu.
Më tej, në një lidhje direkte me emisionin e Eni Vasilit, Tritan Shehu tha se kryeministri Rama nuk ka bërë publike asnjë strategji.
“Kryeminstri të bëjë publike një strategji. Unë deri tani nuk kam parë asnjë strategji.
Disa javë më parë na thanë kemi strategjinë e OBSH.
Por tani OBSH u bë kohë që ka implementuar strategji të re që thotë të dalim nga pasiviteti dhe të kalojmë në sulm ndaj virusit. Të bëhen teste,
izolim dhe mjekim në mënyrë që të fillojë aktiviteti ekonomik i vendit”, përmbylli ish-deputeti i PD Tritan Shehu.
