Efektivëve të policisë Gjirokastër i janë dhuruar sot 200 maska për t’u mbrojtur nga Covid-19. Deputetja e PS, Artemis Malo, shkruan në Facebook se oficerët e policisë janë gjithashtu të ekspozuar ndaj rrezikut të Covid sepse gati cdo ditë dalin nga banesa për t’ju shërbyer qytetarëve.
“Në Drejtorinë e Policisë, Gjirokastër, dhuruam 200 maska, në kushtet kur efektivët përballen çdo ditë me orare të zgjatura në punë, në luftën për të parandaluar përhapjen e COVID-19. Jam munduar të tregoj gjithnjë një angazhim të veçantë në përgjegjësinë sociale! Sot, patjetër, nuk kishte si të mos ishim në këto ditë vështira pranë Policisë së Shtetit, që sikurse me mjekët, janë në vijën e parë për të shpëtuar jetët e qytetarëve. 200 maskat nuk janë gjithçka, por le të bëjmë të gjithë diçka, aq sa të jetë shumëçka. Urojmë që kjo të jetë një ndihmë në Policinë e Gjirokastrës, për t’i shërbyer qytetarëve. Shumë falënderime dhe mirënjohje për punën e tyre! Policia e Shtetit, bashkë me mjekët, infermierët, forcat e armatosura, zjarrfikëset dhe shumë ekipe të palodhura, mbeten në vijën e parë të frontit për përballjen e Koronavirusit. Drejtoria Vendore Policisë Gjirokastër; rri në shtëpi; në kryetar detyrës; bashkë do ia dalim”, shkruan Malo në Facebook.
