Një aksident i rëndë në Greqi për pak sa nuk i mori jetën një shoferi shqiptar.
Mediat në Greqi raportojnë se në orët e para të ditës së sotme një shofer kamioni ka humbur kontrollin e makinës dhe është përplasur.
Aksidenti ndodhi në një tunel në Agios Konstantinos, por për fat të mirë, për shkak të karantinës dhe ndalimit të trafikut nuk pati pasoja të rënda.
Sipas mediave greke aksidenti ka ndodhur pasi shoferin shqiptar të kamionit e kishte zënë gjumi në timon.
Shoferi mbeti i plagosur dhe u dërgua në spitalin e Lamias ku po merr mjekimin e nevojshëm.
