Bashkia Gjirokastër vijon shpërndarjen e ndihmave për familjet në nevojë dhe pensionistët që jetojnë vetëm. Në terren bashkë me grupet e patronazhit është edhe kryebashkiaku, Flamur Golemi.
Mes shumë familjeve ku shkoi sot, një prej tyre ishte edhe ajo e Sotiraq Paskalit, një figurë e veçantë të qytetit të gurtë, me kontribut në krijimin e trupës së cirkut, artist, piktor, skulptor, shkrimtar e muzikant.
“Kjo është arsyeja përse ne në Gjirokastër s’kemi ende të prekur me koronavirus. Kur më rri mua mjeshtri brenda…”, u shpreh Golemi duke dashur të thotë se këtu njerëzit po i zbatojnë masat kufizuese dhe distancimin social, prandaj deri më tani s’ka të infektuar me koronavirus. Golemi më pas e këshilloi Paskalin të vijojë të qëndrojë brenda dhe për cdo nevojë që të ketë të kontaktojë me patronazhistin e lagjes së vet.
©argjiroja.net
