Kryeministri Edi Rama njofton se sot hapen prenotimet për riatdhesimin e shqiptarëve të mbetur jashtë vendit, që prej përhapjes së pandemisë COVID-19. Përmes një postimi në rrjetet sociale, kreu i qeverisë shpjegon si do të bëhet aplikimi si dhe tregon edhe çmimet e biletës së avionit dhe ato të akomodimit në hotelin që do të shërbejë si karantinë 14 ditore për çdo të kthyer.
“Sot hapen prenotimet për fluturimet e riatdhesimit që nisin të shtunën nga Roma. Paketa do të jetë 100€ për fluturimin që do të paguhen nga personi dhe 21€ në ditë për akomodimin 14-ditor në hotel, prej të cilave 14€ do të mbulohen nga qeveria për fjetjen e shërbimin me standardet anticovid19, ndërsa vetëm 7€ do të paguhen nga personi për ushqimin”, thotë Rama.
Kryeministri Rama ne Facebook
SOT HAPEN PRENOTIMET PËR FLUTURIMET E RIATDHESIMIT QË NISIN TË SHTUNËN NGA ROMA✈️
PAKETA DO TË JETË 100€ PËR FLUTURIMIN QË DO TË PAGUHEN NGA PERSONI DHE 21€ NË DITË PËR AKOMODIMIN 14-DITOR NË HOTEL, PREJ TË CILAVE 14€ DO TË MBULOHEN NGA QEVERIA PËR FJETJEN E SHËRBIMIN ME STANDARTET ANTICOVID19, NDËRSA VETËM 7€ DO TË PAGUHEN NGA PERSONI PËR USHQIMIN
BESOJ SE KJO PAKETË ËSHTË MËSE E ARSYESHME E FALENDEROJ AIR ALBANIAN DHE OPERATORËT TURISTIKË PËR MIRËKUPTIMIN DHE KONTRIBUTIN E TYRE ME ZEMËR SHQIPTARE NË KËTË NISËM ASPAK TË LEHTË, PËR SITUATËN E NDËRLIKUAR QË PO KALOJMË
#njëAtdhe #njëFamilje
*çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë natyrisht
