Kryetari i Dropullit: Unë dhe prefekti kemi dalë garantë që emigrantët në karantinë do i paguajnë vetë faturat (VIDEO)

Bashkia Dropull me prefektin e qarkut Gjirokastër kanë dalë garant tek restoranti dhe hotelet ku janë strehuar emigrantët përsa i përket pagesës që ata duhet të bëjnë në përfundim të periudhës së karantinimit. Kështu është shprehur kryebashkiaku i Dropullit, Dhimitraq Toli, gjatë një prononcimi për TV Gjirokastra. Ndonëse emigrantët kanë nënshkruar një deklaratë sipas së cilës i marrin vetë përsipër shpenzimet e akomodimit dhe ushqimit gjatë dy javëve të karantinës, ekziston frika se ata mund të mos paguajnë faturën. Në total në qarkun Gjirokastër deri më tani janë karantinuar rreth 120 persona të mbërritur nga Greqia. Më poshtë kronika e plotë e Tv Gjirokastra.