Seanca e jashtëzakonshme për të votuar organet e vetingut përfundoi për pak minuta, me bashkimin e votave të PS-LSI-PDIU.
Sot u votua për nisjen e dy komisioneve “ad hoc” të Vettingut.
Komisioni i parë i përzgjedhjes së kandidatëve për institucionet e vlerësimit përbëhet nga 12 anëtarë, 6 nga mazhoranca dhe 6 nga opozita, ndërsa komisioni i dytë përbëhet nga 6 anëtarë, po ashtu, 3 nga mazhoranca dhe 3 nga opozita.
Opozita që vazhdon bojkotin e parlamentit prej javësh, as në këtë seancë të jashtëzakonshme nuk mori pjesë.
Emrat e propozuar u miratuan me 82 vota nga 82 deputetë që ishin të pranishëm në parlament.
PS
Partia Socialiste ka propozuar: Bashkim Fino, Vasilika Hysi, Pandeli Majko dhe Ervin Bushatin për komisionin me 12 anbëtarë dhe Ulsi Manja, Evis Kushin për komisionin e dytë me 6 anëtarë.
LSI
Luan Rama, Silva Caka dhe Vangjel Tavo
PDIU
Shpëtim Idrizin dhe Mesila Dodën.
