Kur u lajmëruan masat e para të mbylljes e kufizimit, Roy dhe Emma Hann, shpallën rregulla strikte për fëmijët dhe nisën me aktivitete familjare në një përpjekje të dëshpëruar për të mbajtur rregull. Familja Hann, nga Dundee, është më e madhja në Skoci, dhe 10 nga 13 fëmijët jetojnë me ta, në një banesë dhe bashkë bëjnë dy ekipe basketbolli.
Pavarësisht përpjekjeve maksimale të prindërve, rregulli avulloi shpejt.
Nerva të acaruara dhe sherre nisën shpejt. Po gjithë tensionet ranë të Enjten, kur u mësua se babai, kryefamiljari, Roy, doli pozitiv me voronavirus.
Jam mbyllur brenda tashmë dhe nuk është aspak e këndshme, ka thënë Roy për BBC. Roy është një infermier praktikant në Spitalin, Ninewells. Ai shprehet se ka qënë pranë shumë pacientëve me Covid-19, por shton se jemi shumë të mbrojtur dhe testohemi vazhdimisht. Madje, nuk mungojnë shakatë mes kolegeve, kur thonë se më shumë gjasa ka ta marrësh virusin në supermarket.
Rezidenca Hann, tashmë do të kthehet për 14 ditë në karantinë, përveçse Roy, do të izolohet totalisht për 7 ditë. 50 vjeçari, edhe pse ka dy lloj diabetesh, shprehet se ndihet mirë. Ai shpreson të rikthehet në normalitet shumë shpejt, e të shkojë sa menjëherë në spital, në vijën e parë.
Nuk më ka ndryshuar shumë jeta, pohon ai. Madje shton se tani i sheh fëmijët më shpesh. Me Roin në shtëpi gjithë kohës, tashmë menaxhimi familjar është më i lehtë për bashkëshorten, Emma, e cila ka një bar-kafe.
Fëmijet e familjes Hann, janë nga 5 deri në 28 vjeç. Duhen 50 kuti qumështi, 21 buke dhe 5 kuti të mëdha me ushqime mëngjesi, çdo javë. Me këtë distancë sociale, të blesh në supermarket është gjithnjë e më e vështirë për ta.
Kjo është një sfidë për ne, thotë Emma. Sepse na duhet të shkojmë më shpesh në dyqan, dhe kjo na e rrit rrezikun e eskpozimit.
Mbyllja dhe kufizimi kanë qënë të lodhshme për të. Një ditë përpara se Roy të dilte pozitiv, ajo tregon se po shëtiste, dhe u përplas pas një muri duke qarë nga nervat.
Kur u mor vesh se babai ishte infektuar, të gjithë fëmijët nisën të jenë më bashkëpunues e më të qetë. Me ndjesinë e re të bashkimit, fëmijët luajnë çdo natë basketboll në kopshtin e shtëpisë.
Tani jemi shumë me fat që kemi një kopësht, thotë Emma, duke kujtuar kohën kur kishin 5 fëmijë dhe jetonin në një apartament të vogël. 3 prej fëmijëve më të rritur, jetojnë në shtëpitë e tyre. Në verën e vitit të kaluar, Roy dhe Emma u bënë gjyshër për herë të parë.
