Lamtumirë mjekër. Trendi i mjekrës së gjatë kishte marrë përmasa globale, kryesisht në vitin e fundit. Për 2020, moda për meshkujt ishte mjekra 5-7 milimetra apo edhe me gjatësi mesatare, madje edhe ndonjë picet të rregulluar në perfeksion. Meshkujt gjithnjë e më shumë po gjenin dashuri dhe simpati për mjekrë e gjatë, nga më të thjeshtat e deri tek mjekra e kaubojsave.
Por pastaj erdhi Covid-19. Berberët u mbyllën ndërsa autroritetet shëndetësore paralajmëruar që prej ditëve të para se maskat mbrojtëse mund ta humbasin efikasitetin e tyre në një fytyrë me mjekër të dendur.
Mirupafshim mjekër? Ende jo. Debati rinisi sërish kur Qendra Amerikane për Kontrollin dhe parandalimin e sëmundjeve në SHBA, zbuloi se janë disa modele mjekrash për meshkujt, të cilat lejojnë filtrimin e ajrit, duke postuar madje edhe foto të vetë personelit mjekësor, atyre meshkuj, me mjekër edhe gjatë punës së tyre të përditshme në spital.
Bëhet fjalë për mjekrë model hipster, të gjata, mustaqet meksikanë apo ato me baseta të gjata. Rëndësi ka që mjekra të mos dalë poshtë maskës, ndryshe infeksioni merret njësoj si pa maskën.
Fillimisht shqetësimi lindi pikërisht nga mjekrat e gjata të infermierëve apo mjekëve në këtë periudhë delikate. Nga vëzhgimi i realizuar në SHBA, përgjatë këtyre ditëve, edhe sipas të dhënave zyrtare, meshkujt kanë zgjedhur ta heqin mjekrën, duke shmangur kështu një rrezik të panevojshëm. Përveç problemeve në frymëmarrje me maskën sipër, mjekra e bën thuajse të pamundur mbajtjen e maskës për një kohë të gjatë. Ndaj për pak kohë, më mirë të rrini pa mjekër e të shijoni fytyrën në mënyrën më të pastër e higjienike që mundeni.
