Policia e Gjirokastrës ka vënë në pranga dy persona, të cilët kultivonin lëndë narkotike. Ndër të tjera burimet policore bëjnë me dije se në aksionin e parë të zhvilluar në fshatin Rexhinë të Kurveleshit, është vënë në pranga Alfred Lena 42 vjeç, të cilit ju gjetën në banesë 50 kubikë me kanabis gati për tu mbjellë në parcelë.
Ndërsa në aksionin e dytë është bërë i mundur arrestimi i 43 vjeçarit Sokol Petani i cili u kap me 320 kubikë me kanabis të bërë gati për mbjellje.
Ndërkohë aksioni antikanabis në Gjirokastër vijon në zonën e Tepelenës dhe në Përmet.
Njoftimi i plotë
Tepelenë
Vijon kontrolli i territorit për parandalimin e kultivimit të bimëve narkotike.
Vihen në pranga 2 shtetas.
Shërbimet e Komisariatit të Policisë Tepelenë, në vijim të kontrollit të territorit për parandalimin dhe goditjen e kultivimit të bimëve narkotike, kanë bërë të mundur arrestimin e shtetasit A. L., 42 vjeç, banues në fshatin Rexhin, Tepelenë, pasi në oborrin e banesës së tij u gjetën 50 kubikë të kultivuar me fara kanabisi.
Po gjatë kontrollit të territorit për parandalimin e kultivimit të bimëve narkotike, shërbimet e Stacionit të Policisë Memaliaj kanë vënë në pranga shtetasin S. P., 43 vjeç, banues në fshatin Memaliaj, pasi iu gjet një sasi farash cannabis sattiva, në tentativë për t’i kultivuar.
Vijon intensivisht kontrolli i territorit për evidentuar dhe parandaluar çdo tentativë për kultivim të bimëve narkotike.
Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprime të mëtejshme.
