Ministri i Punëve të Brendshme, Sandër Lleshaj ka zhvilluar një takim online me drejtorët e Policisë në Qarqe, Prefektët dhe drejtorin e Përgjithshëm të Policisë, Ardi Veliu. Lleshaj tha se duhet që të vetë-pastrohet policia për të patur një rezultat sa më të mirë në luftën anti-kanabis. Për këtë, tha ministri, duhet që Shërbimi i Cështjeve të Brendshme dhe Ankesave të zbulojë efektivët e përfshirë në trafikun dhe kultivimin e kanabisit.
Lleshaj: SHCBA, duhet të zbulojë efektivët e përfshirë në trafikun e kanabisit. Bimët e hashashit që do të gjendjen janë CV-ja për secilin prej jush. Mos e lini barrën vetëm tek policët. CV-ja juaj do të vizatohet përmes këtyre treguesve, bimët narkotike të zbuluara do të jenë pjesë e CV-së suaj. Zgjoni këdo nga gjumi që është ende me fazën e COVID-19, na duhet dalja në terren e të gjithëve.