Drejtori i Përgjithshëm i Policisë së Shtetit Ardi Veliu ka firmosur disa ndryshime në kupolën e Policisë së Shtetit. Lëvizjet e firmosura nga kryepolici prekin disa drejtori në qarqe dhe postet drejtuese të kufirit në Tiranë, Korçë dhe Gjirokastër. Pas skandalit, që fillimisht solli ndalimin dhe më pas gjykata e liroi nga qelia dhe e pezulloi Enkeleda Toskën, të akuzuar si të implikuar në trafikun e arabëve, në vendin e saj në drejtorinë e kufirit dhe migracionit në Tiranë u emërua Arben Ibro. Ndryshimet kanë prekur edhe policinë e Korçës, Beratit, Gjirokastrës dhe Fierit.
Ndryshimet në Polici
Ferdinand Mara – Drejtor i Policisë Korçë
Neritan Nallbati – Drejtor i Policisë Berat
Bledar Çeliku – Drejtor i Policisë Fier
Andon Marku – Ish-Drejtor në Fier shkon Drejtor Kufiri në Korçë
Arben Joca nga Drejtor i kufirit Korçë shkon Drejtor Kufiri në Gjirokastër
Arben Ibro emërohet drejtor Kufiri në Tiranë