Mbrëmjen e kaluar u konfirmuan në Gjiroakstër 4 raste të reja me Covid 19. Ndërkohë që janë marrë edhe rreth 20 tamponë për punonjës të Bashkisë, të cilët u dyshuan si kontakte të personave të infektuar. Por fatmirësisht përgjigjet e testeve kanë dalë negative, ata nuk kanë rezultuar të prekur me Covid. Personat e infektuar janë karantinuar në banesë, ku do të qëndrojnë për 14 ditë. Gjendja e tyre shëndetësore paraqitet e mirë. Një ditë më parë në të gjithë vendin u konfirmuan me Covid 67 raste të reja. Rritja e numrit të të prekurve ka shqetësuar autoritetet, të cilat po bëhen gati për hapjen e spitalit Covid 3 në autostradën Tiranë-Durrës nëse numri do të vijë duke u rritur.
©argjiroja.net
