Bashkimi Evropian nuk do t`i hapë kufijtë me vendet e Ballkanit Perëndimor, pas 1 korrikut, përveç se me Malin e Zi dhe Serbinë.
Vendet e BE-së kanë diskutuar në Bruksel, të premten e djeshme në mbrëmje, për më shumë së gjashtë orë.
Për Kosovën, Shqipërinë, Maqedoninë e Veriut dhe Bosnje e Hercegovinën kufizimet do të mbeten, edhe pas datës 1 korrik.
Kriteri kryesor për heqjen e kufizimeve për hyrje në BE, ka qënë ai që të ketë pasur më pak se 16 raste për 100.000 banorë në dy javët e fundit.
Por me përkeqësimin e situatës, kufijtë do qëndrojnë të mbyllur.
Për një kategori të konsiderueshme të qytetarëve nuk do të vlejnë kufizimet, Si shembull, përmenden udhëtimet në BE për punë sezonale në bujqësi, udhëtimet për studime, pastaj për diplomatët, punëtorët shëndetësorë dhe disa kategori tjera.
Po ashtu kufizimet nuk do të vlejnë për personat të cilët do të kalojnë tranzit.
Për personat që kanë vendbanim në shtetet e Bashkimit Evropian nga 1 korriku nuk do të duhej të vlejnë më kufizimet për hyrje në territorin e BE-së.
Lista nuk është përfundimtare dhe ajo mund të ndryshohet në bazë të zhvillimit të situatës epidemiologjike.
