Një rast i ri me koronavirus është konfirmuar këtë mbrëmje në Memaliaj. Pozitiv ka rezultuar një 57-vjeçar i cili dyshohet se është infektuar nga djali i tij që kishte ardhur pak ditë më parë nga Italia.
Burime për mediat bëjnë me dije se 57-vjeçari me profesion këpucar, vuan edhe nga sëmundje të tjera bashkëshoqëruese, teksa është izoluar në banesën e tij.
Edhe në Elbasan janë shënuar dy raste të reja me Covid-19. Gazetari Aldo Kozarja raporton se bëhet fjalë për një burrë dhe një grua rreth 50-55-vjeçarë.
Ka dyshime që dy rastet e reja të jenë infektuar në Spitalin e Elbasanit. Si pasojë e gjendjes së rënduar të frymëmarrjes, dy prej të infektuarve në qytet po dërgohen me ambulancë drejt Infektivit në Tiranë.
