Ashtu sikundër njoftoi një ditë më parë, ish-deputeti i LSI-së, Vangjel Tavo, nisi sot një formë të re komunikimi përmes faqes së tij në Facebook, që ai e quan “komunikimi javor”. Monologu i tij i mërzitshëm është i mbushur me akuza për qeverinë dhe atë që ai e quan “sekti i rilindjes”, ndonëse prej vitit 2013 ishte bashkë në qeveri me “rilindjen”.
Vangjel Tavo flet e akuzon sikur të mos kishte qenë kurrë pjesë e vendimmarrjes e politikbërjes, por sikur ka dalë së fundi në skenë dhe befas zbuloi “mjerimin e madh”, “rrogat e ulëta”, “papunësinë”, “korrupsionin” etj. Tavo është deputet prej 24 vitesh në Kuvendin e Shqipërisë. Në vijim të monologut të tij, ai thotë se Rilindja nuk hapi asnjë vend të ri pune, por përkundrazi zbatoi një plan shpopullues për Gjirokastrën. Ndërkohë gjatë kohës kur LSI ishte në qeveri, një vend pune në Gjirokastër ndahej mes dy a tre personash si lëmoshë në këmbim të votës.
Nga ana tjetër largimet nga puna prej institucioneve bëheshin me letër me vrimë dhe Vangjel Tavo e di mirë këtë praktikë skandaloze. Në video-selfien e tij ai tha ndër të tjera se Rama e ka nxjerrë në shitje PS-në dhe se e di që humbjen e ka të sigurt në zgjedhjet e vitit 2021. Shihni më poshtë monologun e tij të plotë.
©argjiroja.net
